Senatus consultum de Bacchanalibus

1. [Q]MARCIVS L F S POSTVMIVS L F COS SENATVM CONSOLVERUNT N OCTOB APVD AEDEM
2. DVELONAI SC ARF M CLAUDI M F L VALERI P F Q MINVCI C F DE BACANALIBUS QUEI FOIDERATEI
3. ESENT ITA EXDEICENDVM CENSVERE NEIQUIS EORVM BACANAL HABVISE VELET SEI QUES
4. ESENT QUEI SIBEI DEICERENT NECESVS ESE BACANAL HABERE EEIS VTEI AD PR URBANUM
5. ROMAM VENIRENT DEQUE EEIS REBVS VBEI EORVM VER[B]A AVDITA ESENT VTEI SENATVS
6. NOSTER DECERNERET DVM NE MINVS SENATOR[I]BVS C ADESENT [QVVM E]A RES COSOLORETVR
7. BACAS VIR NEQVIS ADIESE VELET CEIVIS ROMANVS NEVE NOMINVS LATINI NEVE SOCIVM
8. QVISQVAM NISEI PR URBANUM ADIESENT ISQUE [D]E SENATVOS SENTENTIAD DVM NE
9. MINVS SENATORIBVS C ADESENT QVOM EA RES COSOLERETVR IOVSISENT CE[N]SVERE
10. SACERDOS NEQUIS VIR ESET MAGISTER NEQUE VIR NEQUE MVLIER QVISQUAM ESET
11. NEVE PECVNIAM QUISQUAM EORVM COMOINE[M H]ABVISE VE[L]ET NEVE MAGISTRATVM
12. NEVE PRO MAGISTRATVD NEQUE VIRUM [NEQUE MUL]IEREM QVISQUAM FECISE VELET
13. NEVE POST HAC INTER SED CONIOURA[SE NEV]E COMVOVISE NEVE CONSPONDISE
14. NEVE CONPROMESISE VELET NEVE QVISQUAM FIDEM INTER SED DEDISE VELET
15. SACRA IN OQVOLTOD NE QVISQUAM FECISE VELET NEVE IN POPLICOD NEVE IN
16. PREIVATOD NEVE EXSTRAD VRBEM SACRA QVISQUAM FECISE VELET NISEI
17. PR URBANUM ADIESET ISQUE DE SENATVOS SENTENTIAD DUM NE MINVS
18. SENATORIBVS C ADESENT QVOM EA RES COSOLERETUR IOVSISENT CENSUERE
19. HOMINES PLOVS V OINVORSEI VIREI ATQUE MULIERES SACRA NE QVISQUAM
20. FECISE VELET NEVE INTER IBEI VIREI PLOUS DVOBVS MULIERIBVS PLOVS TRIBVS
21. ARFVISE VELENT NISEI DE PR VRBANI SENATVOSQUE SENTENTIAD VTEI SUPRAD
22. SCRIPTVM EST HAICE VTEI IN COVENTIONID EXDEICATIS NE MINVS TRINVM
23. NOUNDINVM SENATVOSQUE SENTENTIAM VTEI SCIENTES ESETIS EORVM
24. SENTENTIA ITA FVIT SEI QUES ESENT QVEI ARVORSVM EAD FECISENT QVAM SUPRAD
25. SCRIPTVM EST EEIS REM CAPVTALEM FACIENDAM CENSVERE ATQUE VTEI
26. HOCE IN TABOLAM AHENAM INCEIDERETIS ITA SENATVS AIQVOM CENSUIT
27. VTEIQUE EAM FIGIER IOVBEATIS VBI FACILVMED GNOSCIER POTISIT ATQUE
28. VTEI EA BACANALIA SEI QVA SUNT EXSTRAD QUAM SEI QVID IBEI SACRI EST
29. ITA VTEI SVPRAD SCRIPTVM EST IN DIEBVS X QVIBVS VOBEIS TABELAI DATAI
30. ERVNT FACIATIS VTEI DISMOTA SIENT IN AGRO TEVRANO^[1][2]

Transliteración en latín clásico, con notación de las cantidades vocálicas largas.

1. [Quīntus] Mārcius L(ūciī) f(īlius), S(purius) Postumius L(ūciī) f(īlius) cō(n)s(ulēs) senātum cōnsuluērunt N(ōnīs) Octōb(ribus), apud aedem
2. Bellōnae. Sc(rībendō) adf(uērunt) M(ārcus) Claudi(us) M(ārcī) f(īlius), L(ūcius) Valeri(us) P(ubliī) f(īlius), Q(uīntus) Minuci(us) C (=Gaiī) f(īlius). Dē Bacchānālibus quī foederātī
3. essent, ita ēdīcendum cēnsuēre: «Nēquis eōrum [B]acchānal habuisse vellet. Sī quis
4. essent, quī sibī dīcerent necesse esse Bacchānal habēre, eīs utī ad pr(aetōrem) urbānum
5. Rōmam venīrent, dēque eīs rēbus, ubī eōrum v[e]r[b]a audīta essent, utī senātus
6. noster dēcerneret, dum nē minus senatōr[i]bus C adessent, [cum e]a rēs cōnsulerētur.
7. Bacchās vir nēquis adiisse vellet cīvis Rōmānus nēve nōminis Latīnī nēve sociōrum
8. quisquam, nisi pr(aetōrem) urbānum adiissent, isque [d]ē senātūs sententiā, dum nē
9. minus senātōribus C adessent, cum ea rēs cōnsulerētur, iussissent. Cēnsuēre.
10. Sacerdōs nēquis vir esset; magister neque vir neque mulier quisquam esset.
11. Nēve pecūniam quisquam eōrum commūne[m h]abuisse vellet; nēve magistrātum,
12. nēve prō magistrātū, neque virum [neque mul]ierem qui[s]quam fecisse vellet,
13. nēve posthāc inter sē coniūrās[se nēv]e convōvisse nēve cōnspondisse
14. nēve comprōmīsisse vellet, nēve quisquam fidem inter sē dedisse vellet.
15. Sacra in occultō nē quisquam fēcisse vellet. Nēve in pblicō nēve in
16. prīvātō nēve extrā urbem sacra quisquam fēcisse vellet, nisi
17. pr(aetōrem) urbānum adiisset, isque dē senātūs sententiā, dum nē minus
18. senatōribus C adessent, cum ea rēs cōnsulerētur, iussissent. Cēnsuēre.
19. Hominēs plūs V ūniversī virī atque mulierēs sacra nē quisquam
20. fēcisse vellet, nēve inter ibī virī plūs duōbus, mulieribus plūs tribus
21. adfuisse vellent, nisi dē pr(aetōris) urbānī senātūsque sententiā, utī suprā
22. scrīptum est.» Haec utī in cōntiōne ēdīcātis nē minus trīnum
23. nūndinum, senātūsque sententiam utī scientēs essētis, eōrum
24. sententia ita fuit: «Sī quis essent, quī adversum ea fēcissent, quam suprā
25. scrīptum est, eīs rem capitālem faciendam cēnsuēre». Atque utī
26. hoc in tabulam ahēnam inciderētis, ita senātus aequum cēnsuit,
27. utīque eam fīgī iubeātis, ubī facillimē nōscī possit; atque
28. utī ea Bacchānālia, sī quae sunt, extrā quam sī quid ibī sacrī est,
29. (ita utī suprā scrīptum est) in diēbus X, quibus vōbīs tabellae datae
30. erunt, faciātis utī dīmōta sint. In agrō Teurānō.^[3][4]

Referencias

1. Senatus Consultum de Bacchanalibus. The Latin Library. URL accedida el 19 de octubre de 2009.
2. Senatus Consultum de Bacchanalibus. Bibliotheca Augustiana. URL accedida el 20 de octubre de 2009.
3. SC De Bacchanalibus. The Roman Law Library, Iustinianus Project, Grenoble II University. Archivado desde el original, el 30 de noviembre de 2015. URL accedida el 21 de octubre de 2009.
4. SC De Bacchanalibus, Latin Literary Sources. The Roman Law Library, Iustinianus Project, Grenoble II University. Archivado desde el original, el 30 de noviembre de 2015. URL accedida el 21 de octubre de 2009.