Moro Rasis: 20
20. Parte el termino de Zaragoza con el termino de Baruja[1]; et Baruja yaze cerca de Santa Bayde et es por termino despoblada. Et en su termino ha mui grandes llanos et en su termino ha mui fuertes castillos et mui buenos, de los quales es el uno el castillo á que llaman Pedro, et yaze sobre agua corriente á la qual non fallan fondo. Et es muy fuerte á marauilla. Otrosí otro castillo á que llaman Molina. Et en Molina ovo una cibdat antigua á que llaman Bartusa en que ovo fechos antiguos et mui maravillosos sennales. Et de Molina á Zaragoza ha cien migeros.
- ↑ Borja.