Cantar de la campana de Huesca

​Cantar de la campana de Huesca (S. XIII)​ de anónimo

I

Et encontinent los aragoneses levantaron rey
et dieronle por muller la filla del conde de Piteus.
Et por razón que sines consello de los aragoneses
los navarros avían levantado rey,
empeçaron unos contra otros de malquerencia haver.
Et aquesti don Remiro fue muyt buen rey
et muyt franco a los fijosdalgos, de manere
que muytos de los lugares del Regne dio a nobles et cavallers
et por esto no lo precioron res.
Et fazían guerras entre sí mismos en el Regne.
Et por el rey que aquesto cessar non querién
él fue puesto en gran perplexidat cómo darie.

II

Et por dar remedio al su Regno
enbió un mensagero al su monesterio
con letras al su maestro,
porque yes costumbre et regla de monges negros
que a todo novicio dan un monge por maestro,
diéronli el maestro grant savio et muyt bueno.
En las quales letras recontavale el estamiento
et mal vida que passava con los mayores del su regno,
rogándole que le diesse consello.

III

El maestro con grant plazer
las letras recebidas habié
pensó si le consellava que justicia fiziés;
clamó el mensagero al huert
en el cual muchas coles havié
et sacó un ganivet
et teniendo la letra en la mano et leyend
talló todas las coles mayores que yeran en el huert,
et díxole al mensager:
«Vete al mi señor el Rey
et dile lo que has visto fer».

IV

El qual mesagero con desplazer
que respuesta no le avía dada, vínose al rey
et recontóle que respuesta non le avía querido fer,
de la qual cosa el rey muit despagado fue,
pero cuando contó la maner,
pensó en sí mesmo qu'el huerto su regno podía seer:
las coles yeran las gentes
Et dixo: «Por fer buenas coles, carne ý á menester.»

V

Et luego de continent
envió letras por el regne
a nobles, cavalleros et lugares que fuessen
a corts a Huesca, que una campana quería fer
que de todo su regno se oyesse,
que maestros en Francia havié
que la sabrían fer.
Et aquesto oyeron los nobles et cavallers,
dixeron: «Vayamos a veer
aquella locura que nuestro rey quiere fer»,
como aquellos que non lo preciaban res.

VI

Et quando fueron en Huesca, fizo el rey perellar
ciertos et secretos hombres en su cambra armats
que fiziesen lo qu'él ía les mandar.
Et quendo venían los ricos hombres mandávales clamar
uno a uno, a consello en su cambra fazía pasar
et como entravan assí los mandava descaveçar,
pero clamaba aquellos que le yeran culpables.

VII

Escabeçó XII ricos hombres et otros cavalleros,
et avría todos los otros descabeçado assí mesmo,
si no por qual manera que fue que lo sintieron
que yeran de fuera, et fuyeron.

VIII

De los quales muertos, ende V habié
que yeran del linage de Luna: Lope Ferrench,
Rui Ximénez, Pero Martínez, Ferrando et Gómez de Luna,
Ferriz de Liçana, Pedro Vergua, Gil D'Atrosillo, Pedro Cornel,
García de Bidaurre, Carcía de Penya et Remón Fozes;
Petro de Luesia, Miguel Azlor et Sancho Fontana, cavallers.
Et aquellos muertos, no podieron los otros hauer,
que yeran foýdos, sosegó en paz su regne.

Esta obra se encuentra en dominio público. Esto es aplicable en todo el mundo debido a que su autor falleció hace más de 100 años. La traducción de la obra puede no estar en dominio público. (Más información...)