Limite transcenso, traiectis æquore terris,
Alga vbi Sævis stat Magellanica ventis
Conglaciata Tethis rigido spumantis hiatu,
Regnat vbi immanis staturæ corpore molis
(Cœsareum dixêre genus) sævi accola ponti
Naufragio Hesperio celebris, Freta Stricta vocati,
Quodque magis mirer Cunus vix vnus Iberum,
Exiguus numero, Vi solâ, et Pectore Magnus,
Sæpe per innumeras acie penetrante phalanges,
Barbara prostravit truculentis agmina sclopis.
Pes pede connexus, fixis vmbonibus Vmbo,
Mucrones Capulis immixti, scuta sagittis
Fixa venenatis, virulenta Ancylia Peltis
Sanguine concretis, Loricæ, atque arma furori
Intertexta auras eclipsavêre fragorum
Horrisonis Litvis, frendentum hinnitus equorum
Dum glebam quassat, strepitu dum calcitrat Æthra
Barbara Colluvies etenim hœc velut absque pavore
Nata mori potius, quam vivere, sponte cruoris
Prodiga diffusi credit se vulnere nasci
Magnanimo, inque novos recreari cæde Gigantes
Plaga illi est Laudi, sua gloria summa cicatrix,
Morte sibi æternos promittit Nestoris annos
Æmula Vulcani, vel Ætnæ nominis ignes
Se spirare putat, tomitru vel fulguris almam
Se iactat Sobolem tigridum, vel more Leonum
Fulmina proiectans oculis, gaudetque ferarum
Exvuiis artus hirsutis cingere inermes,
Arrogat imperium dominandi in saxa, procellas
Neptuni, vel Nereidum sævasque Charybdes.
Progeniem Atlantis se jurat, et Astra reniti
Forte suâ velutique Déos se iura per Orbem
Dictare, atque suos hinc æternare triumphos,
Cumque nihil mortale sibi commune fatetur
Tamquam immortales exhalat pectore vires.
Verum Hispana Cohors, quam Laudas, Didace, vanas
Has Indum nugas deliria ludicra duxit,
Fixit et æternis sibi Nomina parta trophæis.
Hæ ego cum scirem te oculato teste patrari
Sat magno annorum spatio, conteste meoque
Tempere, quo trinis te vidi vivere lustris,
Quando alternantis grassantia prelia Lusus
Fortunæ struxêre suos, dum Mœnibus arctis
Hostibus inclusus fere obsidioni bienni
Vitam inter, Lethumque tuum defendere vitam
Fecisti socios certæ Spes vnica vitæ.
Eego macte animo, te tanta trophæ coronent,
Quanta aliis suspensa Tholis Sua Penna refixit [1].
Soc.tis Jesu.
- ↑ No respondemos de la pureza de este latín, contentándonos con copiar al pié de la letra el orijinal.
