Moro Rasis: 41
41. Parte el termino de Raya con el d e Ezija, et Ezija yaze entre el Septentrión et Meridien de Raya, et el Occidente de Cordoua. Et Ezija es villa mui antigua, et conplida de muchos bienes: et ha mui buen termino con grandes llanos; et Ezija yaze sobre el rrio de Xenil que sale del monte de la Elada. Et en el termino de Ezija ha villas et castillos et montannas, de las quales es la una la montanya que va á par de Teairua. Et en esta montanya ha villas et castillos tan fuertes que non ha cosa en el mundo á que teman, de los quales es el uno Ronda, que es mui fuerte et mui antiguo, et el otro es Lecester que es fecho nuevamente.